1. Supë me Domate dhe Krem pana
Përbërësit:
- 2 lugë gjelle gjalpë
- 1 qepë
- 2 domate
- 1 gotë lëng domate
- 1 gotë lëng pule
- gjysmë gote pana (kuzhine)
- kripë
- piper
- majdanoz
Përgatitja:
1- Shkrini gjalpin në një enë mesatare. Skuqni qepën për disa minuta. Shtoni domatet e prera dhe gatuajini për pak minuta.
2- Shtoni lëngun e domateve, pak kripë dhe 1 gotë lëng pule. Hidhni pak piper, panën dhe gatuajini për pak minuta. Shtoni majdanozin dhe përziejini mirë.
3- Hidhni pak supë në një pjatë për servirje.
4- Ju bëftë mirë!
2. Qebap krepash me mish pule
Përbërësit për mbushjen e krepave:
- 650 gr fileto pule
- 400 gr kërpudha
- 1 kokërr qepë
- 2 lugë vaj ulliri
- kripë
- piper
Përbërësit për krepat:
- 1 gotë uji miell
- 1 gotë uji qumësht
- 2 vezë
- 1 lugë çaji kripë
- 1 lugë gjelle vaj
Përbërësit për beshamelin:
- 2 lugë gjelle gjalpë
- 2 gota uji qumësht
- 2 lugë gjelle miell
- kripë
- piper
Përgatitja:
1- Fillimisht përgatisim krepat. Në një enë hedhim vezët, qumështin, kripën dhe vajin. Pasi i rrahim mirë, shtojmë miellin dhe e trazojmë derisa të bëhet një masë homogjene, pastaj i pjekim në tiganin e krepave.
2- Pastaj përgatisim mbushjen. Në një tigan skuqim qepën e prerë imët me pak vaj ulliri derisa të marrë ngjyrë të artë, pastaj shtojmë mishin e pulës të prerë në copa të vogla, pasi të skuqen pak shtojmë dhe kërpudhat të prera në copa të vogla dhe rregullojmë shijen me kripë e piper. I mbulojmë me kapak dhe i lëmë dhe për pesë minuta të tjera.
3- Tani përgatisim kremin beshamel. Në një tenxhere të vogël shkrijmë gjalpin dhe pastaj hedhim miellin dhe i trazojmë mirë, pastaj shtojmë qumështin dhe i përziejmë vazhdimisht që të mos formohen kokërriza. E lëmë të ziejë në zjarr të ulët për pak minuta dhe në fund i shtojmë kripën dhe piperin.
4- Marrim krepat dhe i mbushim me përbërjen e mishit të pulës me kërpudha. I mbyllim anët dhe i kthejmë përmbys duke i radhitur një nga një në tepsi. Pastaj i hedhim sipër salcë beshamel. Sipas dëshirës mund t’i hedhim edhe pak djath të grirë kaçkavall.
5- I vendosim të piqen në furrën e ngrohur më parë në 180 gradë, derisa të marrin ngjyrë të kuqerremtë.
6- Ju bëftë mirë!
3. Sallatë greke
Përbërësit:
- 3 domate
- 2 kastravecë
- 1 qepë e kuqe
- ¼ filxhan vaj ulliri
- 4 lugë gjelle lëng limoni
- 150 gr djathë i bardhë
- 6 ullinj të zinj (tjetër)
- 1 lugë çaji rigon
- Kripë
- Piper i zi
Përgatitja:
1- Merrni një pjatë për servirje dhe sistemoni domatet e prera në copa mesatare.
2- Më pas qëroni dhe pritini kastravecat së bashku me qepët.
3- Vendosni ullinjtë dhe djathin e prerë në kube mesatare.
4- Spërkatini të gjithë përbërësit me lëngun e limonit, kripën, piperin e zi dhe rigonin.
5- Në fund hidhni mbi to edhe vajin e ullirit dhe është gati për t’u servirur.
6- Ju bëftë mirë!
4. Kadaif me arra
Përbërësit:
- 400 gr kadaif
- 200 gr gjalpë
- 200 gr arra
- 250 ml ujë
- 500 gr sheqer
- 20 gr vanilje
Përgatitja:
